Полскиот репрезентативец, Роберт Левандовски и официјално ја имаше својата промоција како нов член на Барселона.
Доскорешниот напаѓач на Баерн Минхен мораше да почека за да се реализира трансферот, но беше упорен, трпелив и на крајот ја оствари својата цел и во наредниве четири сезони ќе го носи дресот на шпанскиот великан.
Од Роберт се очекуваат многу голови, асистенции, моменти кои ќе и помогнат на Барселона да ја врати магијата, победничкиот дух и пехарите на „Камп Ноу“. Самиот играч е возбуден поради можноста да биде дел од каталонската гордост, односно смета дека е дојде на место каде што ќе може да победува,
„Многу сум среќен што сум тука. Вчера го видов потенцијалот што го има овој тим и подготвен сум да бидам дел од овој голем клуб. Во светот на фудбалот многу е важно да сакаш да победуваш и мислам дека сум на најдоброто место за тоа“, рече Полјакот
„Има многу квалитет во тимот и многу потенцијал. Јас сум во добар клуб. Имаме многу работа и јас сум многу среќен. Подготвен сум да го одиграм следниот натпревар“, додаде Левандовски кој може да дебитира веќе против најголемиот ривал на Каталонците – мадридски Реал.
