Јас се повикувам на членот 70 став 1 за додавање на нова точка на Дневен ред за измена и дополни на Законот за внатрешни работи, кој што ни е поднесен уште на 6-ти мај оваа година, но до денеска не е ставен воопшто на Дневен ред. Иако не очекувам дека партијата на власт ќе даде поддршка на овој предлог, значи тоа е партија која што цел овој период на своето постоење работи против Македонија и против македонските национални интереси. Не очекувам дека партијата која што изнаоѓа начини и прави обиди да преку претседателот на Собрание избегне народна одговорност и да се соочи со народот на еден Референдум, на предвремени парламентарни избори. Не очекувам партијата која што го менува Уставот секогаш кога тоа ќе го побараат некој од надвор и работи за туѓи интереси, а не за македонските национални интереси дека ќе даде поддршка на тој предлог, истакна Драган Ковачки на денешната пленарна седница во Парламентот.
Ковачки додаде дека пратеничката група на ВМРО-ДПМНЕ бара покачување на платите на припадниците на МВР.
– Меѓутоа сакам да потсетам дека изгласавме еден закон за служба во Армијата на Република Македонија каде што ги качивме платите заеднички сите за едно од 5 до 6.000, 7.000 денари на секој вработен во Армијата на Република Македонија. Со измените на законот за внатрешни работи кои што ги предлагаме ги бараме да ги ставиме како точка на Дневен ред и бараме покачување на платите на вработените од 10% односно 20%, тие што имаат 20% да одат на 30%, а тие што имаат 30% да одат на 40%. Така цениме на некој начин ќе овозможиме да се ублажи ова цунами економско кое што го донесе Социјалдемократскиот сојуз и за припадниците на министерството за внатрешни работи, појасни пратеникот.
– И втората промена која што ја предлагаме во законот за внатрешни работи е одземање на ингеренциите на министерот за внатрешни работи односно да се запре неговото дивеење и самоволие во МВР. Бидејќи таму си унапредува вработени по три скалила одеднаш. Цениме дека на овој начин ќе се почитуваат препораките на ГРЕКО односно во вистинска смисла на зборот ќе може да зборуваме за некои европски вредности каде што луѓето напредуваат согласно своите компетенции, согласно своето знаење и согласно своите резултати во работата, а не согласно нивната партиска или друга припадност, нагласи пратеникот.
