Американскиот актер со белгиско потекло Жан-Клод Ван Дам е забележан во приватна клиника во градот Ужхород во западна Украина, објави украинскиот портал.
Градот Ужхород, кој се наоѓа во Закарпатската област е поштеден од масивните руски ракетни напади врз Украина.
Во објавата на порталот на апликацијата Telegram се наведува дека холивудскиот актер не објавил за своето патување во Ужхород, туку дека тоа се дознало откако на социјалните мрежи била објавена фотографија на локален лекар од клиниката којашто ја посетил Ван Дам.
Подоцна лекарот ја избришал објавата на социјалните мрежи, но украинските медиуми претходно веќе успеале да ја симнат.
Се наведува и дека се познати причините за посетата на актерот во оваа клиника, но оти таквите информации не се соопштуваат по категоричното барање на Ван Дам. Некои украински медиуми, пак, повикувајќи се на сопствени извори, тврдат дека наводно „доаѓањето е во врска со одредени здравствени проблеми на Ван Дам“.
Лекарите ја потврдиле посетата на актерот на клиниката во Ужхород, но одбиле да дадат детали. Според нив, самиот актер забранил да се откриваат какви било детали. Но, новинарите дознале дека 62-годишниот Ван Дам ја посетил болницата наводно поради лошо здравје. Целта на неговата посета на Украина и каде потоа престојувал и се упатич засега не се познати.
Од друга страна, пак, порталот КоресподенТ.net пишува дека причината што Ван Дам инсистирал на тајност на неговата посета на Украина можеби е поврзано со неговото пријателство со рускиот претседател Владимир Путин, како дорбтите односи со чеченскиот лидер Рамзан Кадиров, чиишто доброволци војуваат на руска страна на украинското боиште.
Притоа се потсетува дека Ван Дам реагираше на војната во Украина, која Русија ја покрена во февраури со „лаконската“ објава на Facebook во која напиша: „Посакувам мир на целиот свет“.
Во 2020 година Ван Дам престојуваше во украинската престолнина Киев, каде се снимаше серијалот „Пследниот платеник“ (The Last Mercenary) на Netflix.
Жан-Клод Ван Дам е актер, режисер сценарист и сценограф на акциони филмови и мајстор на боречки вештини. Во текот на својата актерска кариера се појави во над 50 филмови меѓи кои „Double Impact“, „Universal Soldier“ и „Time Patrol“
