Помал брод со околу 40 мигранти во средата потона близу југоисточниот брег на Англија при што животите ги загубија најмалку тројца мигранти.
Британската влада и службите за итно реагирање потврдија дека во тек е операцијата на потрага и спасување, во која се ангажирани бродови, хеликоптери и спасувачки тимови на теренот кои се помогнати од британската и француската воена морнарица.
Инцидентот се случил околу 3,40 часот утрото во средата, а британското радио LBC пренесе дека се спасени 43 лица Телевизијата Sky News, пак, објави дека загинале најмалку три лица.
Оваа несреќа се случува околу една година откако во обид да се премине Каналот (или Ла Манш како што го нарекуваат Французите) со гумен чамец во ноември 2021 година загинаа 27 мигранти.
Бродот во средата потонал во лоши метеоролошки услови, студен бран кој ја зафати Велика Британија. Во средата утрото во блиското подрачје на потонувањето температурата била 2 Целзиусови степени. Но и покрај ниските температури, повеќе од 500 мигранти само изминатиот викенд се решија на овој опасен пат, бидејќи криумчарите ја користат предноста на посмиреното море и слаби ветрови.
Од Франција оваа година во Велика Британија влегле повеќе од 40.000 мигранти, пренесува Reuters. Голем дел од нив пристигнал од Авганистан и Иран, но годинава на изминување ја бележи и големиот број пристигнување на Албанци, се додава.
