Во дерби натпреварот од 19-то коло на англиското фудбалско првенство на лондонски „Емирејтс“ Арсенал и Њукасл одиграа без голови.
Ова е само третиот првенствен натпревар сезонава во кој Арсенал не забележа победа. Вторпат ремизираше, еднаш досега загуби и натаму ја задржа големата предност пред екипите што го следата. Со натпревар повеќе од вториот Манчестер Сити има осум бодови повеќе а девет повеќе пред Њукасл и Манчестер Јунајтед.
Арсенал беше подобар, напаѓаше и се закануваше, но Њукасл предводен од одличниот голман Поуп ги издржа сите притисоци и освои од. Во судиското продолжение играчите на Арсенал бараа пенал поради наводно играње со рака од Марфи, но судијата Медли не се огласи.
Манчестер Јунајтед ја впиша четвртата првенствена победа во низа и трета со ред во која не прима погодок, а на својот „Олд Трафорд“ со 3:0 го совлада Борнмут. Во 23 минута поентираше Каземиро, Лук Шоу во 49 минута го удвои водството а конечниот резултат го постави Маркус Рашфорд во 86 минута.
Манчестер Јунајтед моментално е четврти со 35 бодови од 17 одиграни кола, има ист број бодови со третопласираниот Њукасл кој има одиграно 18 кола. Го следи Тотенхем со пет бодови помалку од 17 натпревари. Борнмут моментално е 15-ти со 16 одови од 18 кола, само два бода над зоната на испаѓање.
Доста убедлив беше Брајтон на гостувањето кај Евертон кого го совлада со 4:1. Во првото полувреме гостите дојдоа во рано водство во 14 минута со голот на Каору Митома, а на отворањето на вториот дела за помалку од седум минути го скршија домашниот тим. Стрелци во тој период беа Ивен Фергусон во 51, Солу Марч во 54 и Паскал Грос во 57 минута. Во самата завршница, во втората минута од судиското продолжение на натпреварот домашните преку Демарај Греј од пенал го постигнаа почесниот погодок.
Брајтон моментално е на осмото место на табелата со 27 водови од 17 натпревари, а Евертон од 18 средби собра 15 бодови и е на 16-то место во зоната која се бори за опстанок.
Погодокот на Александар Митровиќ во 17 минута беше доволен за гостинскиот триумф на Фулам кај Лестер Сити. Фулам од 18 средби собра 28 бодови и моментално е седми, а Лестер од исто толку натпревари има 17 бодови и е на 13-то место.
Во среда се среќаваат Саутемптон – Нотингем Форест, Лидс – Вест Хем, Астон Вила – Вулверхемптон и Кристал Палас – Тотенхем, а четврток ќе се одигра дерби натпреварот меѓу Челзи и Манчестер Сити.
