Со власта на СДСМ и ДУИ македонската реалност се претвори во криминален филм, а последниот скандал со бегството на затвореникот од затворот Идризово покажува дека се случува распад и на затворскиот систем во државата и овој случај само покажа дека и во овој сектор администрација е исполнета со партиски војници на криминалните партнери двете владејаќки партии и затоа се случуваат вакви бегства, велат од ВМРО-ДПМНЕ.
„Токму командирот на смена во Идризово, Срѓан „со шефот до крај“ Димитриевски и затворскиот полицаец Идриз Асани, двајцата одговорни во моментот на бегството, се истакнати членови на СДС и ДУИ и блиски до високи функционери на власта. Ова отвора многу прашања на кои Ковачевски и Зечевиќ избегнуваат да дадат одговор. Како е можно лице кое е фатено во дело поткуп да биде Командир на смена во затвор? Дали некој земал поткуп и му помогнал на затвореникот да избега? Дали освен овие вработени во затворската администрација и власта има и покрупни риби кои треба да одговараат за бегството?
Дали Ковачевски, Зечевиќ и власта на СДС и ДУИ свесно дозволува да се загрозува безбедноста во Македонија, овозможувајќи криминалот да хара по улиците, а затворениците да бегаат од затворите?
Корупцијата на власта на СДС и ДУИ е опасност за Македонија. Изборите се неопходни час поскоро“, стои во партиското соопштение.
