Англиски Вест Хем Јунајтед во полуфиналето на Конференциската лига ќе игра против холандскиот АЗ Алкмар, откако во реванш четвртфиналниот натпревар пред своите гледачи на Олимпискиот стадион во Лондон го совлада белгискиот Гент со убедливи 4:1.
Белгијците поведоа во 26 минута со голот на Хуго Кујперс, но со голот на Микаил Антонио во 37 минута се погрижи домашниот тим да не се соочи со негатива на полувремето. Во вториот дел „Чеканите“ целосно ги надиграа гостите. Пакета со гол од пенал во 55. минута зголеми на 2:1. Три минути подоцна, капитенот на домаќините Деклан Рајс ја зголеми предноста на 3:1, а конечните 4:1 ги постави Антонио со својот втор гол на натпреварот во 63 минута.
Вест Хем Јунајтед на тој начин се пласираше во полуфиналето победувајќи го Гент со вкупен резултат 5:2. Минатогодишните полуфиналисти од Лига Европа ќе се борат за своето четврто финале во европските клупски натпреварувања. Вест Хем беше победник на поранешниот Куп на победниците на куповите во 1965 година и финалист во 1976 година, а во 1999 година лондонскиот тим го освои Интертото купот.
Фудбалерите на АЗ Алкамар пласманот во полуфиналето го изборија дури пенал рулето (4:1), откако холандскиот тим беше подобар во регуларниот дел од натпреварот и продолжението со 2:0 и со тоа го надополни негатива од првиот натпревар.
Холанѓаните веќе во 13 минута имаа два гола предност, а стрелец и на двата гола беше Вангелис Павлидис. Во 5 минута грчкиот напаѓач беше прецизен од пенал, а во 13 минута лесно ја погоди небранетата мрежа по одличната акција на домашните и асистенција на Јенс Одгард. Иако имаше шанси на двете страни, резултатот не се менуваше до крајот на регуларниот дел од играта, исто како во дополнителниот половина час, па одлуката за пласманот во полуфиналето беше решена со удари од пенал. место.
Како што обично се случува, херој беше еден од голманите, а во овој случај тоа беше чуварот на мрежата на домашниот тим, Австралиецот Метју Рајан. Во првата серија одбрани удар на капитенот на Андерлехт, Јан Вертонген, а во третата серија го спречи обидот на Килијан Сардела. Во првите три серии, сите тројца домашни фудбалери (Класи, Сугавара, Рајндерс) беа прецизни, а голот на Меердинк во четвртата серија му донесе пласман во полуфиналето на АЗ Алкмар.
Полуфиналните натпревари од Конференциската лига се закажани за 11-ти и 18-ти мај. Вест Хем Јунајтед ќе биде домаќин на првиот натпревар, а реваншот ќе се игра во Алкмар.
РЕЗУЛТАТИ
АЗ Алкмар – Андерлехт 2:0 (на пенали 4:1)
Фиорентина – Лех 2:3 (вкупно 6:4 за Фиорентина)
Ница – Базел 1:2 (на продолженија вкупно 4:3 за Базел)
Вест Хем – Гент 4:1 (вкупно 5:2 за Вест Хем)
ПОЛУФИНАЛЕ (11 и 18 мај):
Фиорентина – Базел
Вест Хем – АЗ Алкмар
ФИНАЛЕ (7 јуни): Еден Арена, Прага
