Руското Министерство за внатрешни работи издало потерници по двајца од највисоките воени команданти на Украина, врховниот командант на украинските сили Валериј Залужни и генерал-полковник на копнените сили Олександр Сирски, јавија руски медиуми.
Не е наведено поради што се издадени потерниците, кои украинската страна ги оцени како уште еден обид за деморализирање на своите сили.
-Вршењето психолошки притисок врз команданти кои се борат против непријател кој е значително посилен и во однос на војниците и во однос на оружјето е бесмислено, коментира заменик-министерката за одбрана на Украина Хана Малиар.
