ЈО да отвори постапка, Груби го добива Аудито 8 дена откако фирмата која му го дава купува хотел на Шапка по багателна цена. Смешни се изговорите на Груби дека Аудито му е дадено на услуга. Нема човек што верува дека некој би купил возило од 80.000 евра и би му го дал на користење на Груби, само затоа што му е пријател, велат од ВМРО-ДПМНЕ.
-Која е економската логика на тој што го купува возилото? Дали можеби ќарот е во против услуга од страна на Груби и во што се состои таа?
Груби ја навредува интелегенцијата на граѓаните, но и се подбива со институциите како ЈО кои не смеат да му отворат истрага.
Очевиден е сомнежот за корупција особено кога се знае дека фирмата која го купува Аудито 8 дена пред да му го даде на Груби го купува хотелот на една градежна компанија на Шапка за 55.000 евра, по што истата таа градежна компанија добива милионски тендер од државата.
ЈО не смее да молчи за очигледната корупција на Груби, која и деца од шкоска возраст можат да ја препознаат, додаваат од партијата.
