Во резолуцијата во четвртокот, Европскиот парламент го осуди „терористичкиот напад“ врз косовските полицајци во Бањска и побара мерки против српските власти доколку се докаже дека тие биле директно вклучени во нападите на северот на поранешната јужна покраина Косово и Метохија, каде што албанското мнозинство во 2008 година со поддршка на западните земји еднострано прогласи независно Репоублика Косово.
Европскиот парламент го осуди, како што се наведува во текстот на резолуцијата, „страшниот и кукавички терористички напад врз косовските полицајци извршен на 24-ти септември 2023 година од добро организирани српски паравоени сили во Бањска на северот на Косово“ во кој загина косовски полицаец, кој настрада од поставена бомба на една од барикадите на патот.
Србија прогласи национален ден на жалост во спомен на српските напаѓачи но за волја на вистината и за полицаецот етнички Албанец во согласност со својот Устав според кој КиМ е составен дела на српската држава, а Европскиот парламент во резолуција „длабоко жали што тројцата загинати терористи беа прикажани како херои кои се бореле за српската кауза, што значително ги зголеми политичките тензии во регионот“.
Доколку истрагите покажат дека Србија директно учествувала во нападите на северот на Косово, ЕП ја повикува Европската комисија да ги замрзне финансиските ресурси за Србија според Инструментот за претпристапна помош III, а Советот да ги замрзне средствата и забраната за патување „против дестабилизирачките актери на северот на Косово и водачите на големите мрежи на организиран криминал.“ криминал“.
„Овој терористички напад, кој силно го осудуваме, е пресвртница без преседан во време на војна. Ова бара сериозна политичка реакција, како што се насочени рестриктивни мерки против актерите кои го дестабилизираат северот на Косово. Покрај тоа, ја повикуваме Европската комисија да ги замрзне средствата наменети за Србија, доколку истрагите покажат дека српската држава била директно вмешана во терористичкиот напад во септември или во претходните насилни напади во мај во северно Косово или ако српските власти одбијат целосно да соработуваат“, рече хрватскиот европратеник Тонино Пицула, преговарач за резолуцијата за Србија и Косово, се вели во соопштението од неговиот кабинет.
Се додава дека загрижува концентрацијата на српската армија во близина на границата со Косово, поради што ЕП го повикува НАТО да создаде план за борба против кризните ситуации на северот на Косово, а членките на ЕУ веднаш да испратат дополнителни сили во земја.
Овие податоци, кои потекнаа од британски и американски медиуми и лобисти, Белград ги демантираше покажувајќи дека составот на српските воени единици во пограничната зона е намален за речиси третина во однос на минатата година.
„Продолжувањето на блиските односи на Србија со Русија и Кина покренува сериозни прашања за стратешката насока на земјата. Длабоко сме загрижени поради дестабилизирачкото влијание на српските власти предводени од претседателот Александар Вучиќ врз целиот регион“, нагласуваат од кабинетото на хрватскиот социјалдемократ.
Парламентот во резолуцијата бара и од Комисијата да „избегне каква било политика на попуштување кон Србија“.
