Тимот на Голден Стејт одлично ја започна новата сезона со пет стартни победи, но по тие одлични резултати следуваа исто толку порази за оваа екипа.
Последниот пораз во низата им го нанесе Оклахома изминатата вечер со убедливи 109:128. Одлична вечер во дресот на Оклахома имаше Изеа Џо со седум тројки од исто толку обиди, одличен беше и Шеј Гилџус-Александер со 24 поени. Кумига со 21 поен беше најрасположениот кај Вориорси кои во овој натпревар беа без суспендираниот Грин.
Тандерси со овој триумф стигнаа до својата петта победа во последните шест натпревари, меѓутоа исто така е важно дека ги победија Вориорси првпат во последните 11 натпревари.
Мајами Хит не започна најдобро и имаше само една победа во првите пет натпревари, меѓуто потоа се консолидираа и сега дојдоа до седмата победа во низа. Изминатата вечер славеа против Бруклин со 122:115.
Во победата се истакна Џими Батлер со 36 поени, Робинсон додаде 26. Кај Бриклин со по 23 поени најефикасни беа Микал Бриџис и Лони Вокер.
