Американскиот актер Карл Ведерс, поранешен професионален играч на американски фудбал кој се прослави како харизматичниот боксер Аполо Крид во филмовите од серијалот „Роки“, почина на 76-годишна возраст, соопшти неговото семејство во петокот.
Ведерс, кој глумеше во првите четири филмови за Роки со Силвестер Сталоне, „умре мирно во сон“, соопшти неговото семејство.
Ликот на Ведерс инспириран од Мухамед Али беше ривал на Роки, а потоа негов сојузник.
Откако неговиот лик доживеа трагичен крај, Ведерс се здружи со друга голема акциона ѕвезда од тоа време, Арнолд Шварценегер, во научно-фантастичниот хорор филм „Предатор“ од 1987 година.
Меѓу поистакнатите негови улоги се „Голфбрејкер“ и „Мандалоријан“, во чии десет епизоди Ведерс се појави меѓу 2019 и 2023 година.
Ведерс, кој ја започна својата кариера како играч на Националната фудбалска лига (NFL) пред да се повлече од спортот за да се занимава со актерство, „беше извонредно човечко суштество кое живееше извонреден живот“, објави неговото семејство.
Се женел и разведувал трипати, оставајќи ги зад себе двата сина, Џејсон и Метју.
