Фудбалерите на Манчестер Сити се првите финалисти на овосезонското издание на англискиот ФА Куп, најстарото фудбалско натпреварување во светот, бранителот на титулата го победи Челзи со 1:0 (0:0) во полуфиналето на лондонски „Вембли“.
Јунак на победата е Бернардо Силва, кој го постигна единствениот гол на натпреварот во 84. минута.
Во финалето на 25-ти мај Сити ќе игра против подобриот од вториот полуфинален дуел меѓу Манчестер Јунајтед и Ковентри Сити кој е закажан за в недела со почеток во 16,30 часот. Доколку, како што се очекува, победи Јунајтед, тоа ќе биде „реприза“ на минатогодишното финале во ова натпреварување.
