Германската армија планира да го користи ТикТок за регрутирање нови припадници на вооружените сили, јави ДПА, повикувајќи се на Министерството за одбрана на земјата.
„За да се натпреваруваме со најдобрите умови, употребата на ТикТок е апсолутно императив“, рече портпаролката на германското МО. За таа цел, на крајот на овој месец, одборите за вработување во Германија почнуваат да спроведуваат нов пристап базиран на апликации, користејќи специјално развиена програма.
Според портпаролката, која ДПА не ја именува, „од суштинско значење е Бундесверот да допре до младите луѓе на место каде што ќе можат дигитално да добијат информации и да разменуваат идеи “.
Таа додаде дека припадниците на службата ќе можат слободно да пристапуваат до социјалните платформи се додека го прават тоа додека се на одмор, од сопствени средства и не откриваат воени тајни.
