Добивката на американскиот банкарски сектор скокна за 79,5 отсто на 64,2 милијарди долари во првиот квартал од 2024 година, се наведува во извештајот на Федералната корпорација за осигурување на депозити (Federal Deposit Insurance Corporation – FDIC) на САД.
Американските банки ги зголемија своите профити главно поради намалувањето на нивните трошоци за активности кои не се поврзани со исплата на камата на депозитите, забележува FDIC.
На крајот од 2023 година, финансискиот резултат на големите американски банки падна поради нивната обврска да уплатат милијарди долари во фондот за осигурување на депозити, според Reuters. Од нив се бараше да обезбедат најголем дел од 16 милијарди долари потребни за обновување на финансиските средства на фондот. Тоа се случи откако ва се случи откако FDIC ги покрива загубите на депозитите на клиентите на две големи регионални банки – „Silicon Valley Bank“ – SVB и „Signature Bank“, кои банкротираа во март минатата година.
Федералната корпорација за осигурување на депозити ги наведува пониските провизии за резервации како дополнителни фактори за зголемениот профит на американските банки. Во рамките на ова работење, банките издвојуваат одредени износи за покривање на евентуални загуби во случај на евентуално прекинување на сервисирањето на дел од кредитите што ги одобриле.
Друг фактор за зголемување на добивката на финансиските институции во САД е зголемувањето на нивните приходи од банкарски провизии, се наведува во извештајот на FDIC.
