Евролига: Партизан ја продолжи серијата победи, Реал поразен од Асвел, Париз на врвот

Кошаркарите на Партизан ја продолжија серијата победи во Евролигата, откако во 13. Коло во домашната „Белградска арена“ го победија Жалгирис со  84:78 (22:19, 22:22, 20:23, 20:14).

За Партизан ова беше трета последователна победа во најелитното континентално натпреварува и се чини дека конечно ја пронајдоа вистинската форма пред следните предизвици да се изборат до повисоките места на табелата.  

Жалгирис вообичаено играше со многу енергија, но на ист начин одговори и Партизан. Избраниците на Андреа Тринкери на несвојствени начин за нив го одржуваа активниот резултат со шут за три поена. Тоа, инаку, не е најсилното оружје на литванскиот великан, неговите играчи вообичаено погодуваат осум обиди за „тројка“, но во Белград беа прецизни дури 16 пати од 40 обиди.

Мечот го одлучи завршницата на третата четвртина, кога Жалгирис имаше предност од плус 7 (61:54)., но Партизан заигра ангажирано под двата обрача и со серија од 10:0 дојде до водство, но после уште една „тројка на Силвано Франциско во последната делница се влезе без предност 64:64.

Во четвртата четвртина Партизан ја стегна одбраната и го натера Жалгирис да поентира практично само од линијата за слободни фрлања. Така гостите во овој период од играта постигнаа само седум коша од игра.

Тоа го искористија играчите на Партизан и дојдоа до важна победа која активно го враќа во борбата за пласман во „плеј-офот“, односно „плеј-инот“,

Карлик Џонс беше најефикасен кај „црно-белите“, кој впиша „дабл-дабл“ со 19 поени и 10 скока. Го следеа Френк Ниликина и Тајрик Џонс со по 15. Кај Жалгирис, Лони Вокер беше најдобар со 26 поени, а Едгарас Улановас и Брејди Менек постигнаа по 12.

Партизан сега има сооднос победи порази 5-8, додека Жалгирис има 7-6. Партизан веќе во четврток од 20:30 часот го пречекува Панатинаикос.

Кошаркарите на Реал Мадрид се поразени на гостувањето во Вилрбан, каде домашните Асвел ги совладаа со 80:78, а францускиот тим со звукот на сирената го постигна победничкиот кош. Јунак на победата беше Парис Ли, која го постигна својот 13-ти кош на натпреварот. Стрелците на Асвела ги предводеше Тео Маледон со 23 поени, а имаше и седум асистенции.

Марио Хезоња беше најдобар стрелец кај Реал со 19 поени, а Габриел Дек постигна 17 поени.

Мадриѓаните се на 12. позиција со скор 6-7, а Асвел е на 15. место со 5-8.

Водечката позиција ја зазеде Париз, кој на гостувањето во Белград го совлада Макаби со 93:81. Парижаните ја започнаа сезоната со скор 1-3, а ова беше нивна деветта победа во низа.

Анадолу Ефес ја прекина серијата од два пораза и пред своите гледачи го победи Баерн со 101:90. Баварците сега се на седмото место со учинок 7-6, а Баерн е шести со повеќе победи (8-5).

Фенербахче го претрпе вториот последователен пораз, а турскиот клуб загуби на гостувањето кај Басконија (76:88) и падна на второто место со сооднос 9-4. До неа ќе стигне победникот од утрешната пресметка меѓу Монако и Олимпијакос.

Евролига – 13. коло
Анадолу Ефес – Баерн 101:90
Асвел – Реал Мадрид 80:78
Макаби Тел Авив – Париз 81:93
Панатинаикос – Барселона 90:89
Басконија – Фенербахче 88:76
Партизан – Жалгирис 84:78

Во среда:
Монако – Олимпијакос (19.00 ч.)
ЕА Милано – Црвена ѕвезда (20.30 ч.)
Виртус Болоња – Алба (20.45)

ТАБЕЛА

#	Team	Played	Wins	Losses	Points For	Points Against
1	Париз	13	10	3	1115	1054
2	Фенербахче	13	9	4	1032	1006
3	Олимпијакос	12	8	4	1021	955
4	Монако	12	8	4	1023	976
5	Панатинаикос	13	8	5	1120	1073
6	Баерн	13	8	5	1153	1138
7	Анадолу Ефес	13	7	6	1105	1092
8	Барселона	13	7	6	1092	1082
9	Жалгирис	13	7	6	973	976
10	Црвена звезда	12	6	6	993	955
11	Емпорио Армани	12	6	6	1029	1035
12	Реал Мадрид	13	6	7	1074	1058
13	Басконија	13	6	7	1004	1020
14	Партизан	13	5	8	1042	1050
15	Асвел Вилурбан	13	5	8	1057	1101
16	Макаби	13	4	9	1089	1136
17	Виртус Болоња	12	2	10	956	1014
18	Алба Берлин	12	2	10	933	1090