АД ЕСМ и Косовската државна енергетска компанија, КЕК, почнаа засилена соработка заради полесно надминување на енергетската криза и на состојбата со следната грејна сезона, информираат од ЕСМ.
На состанокот што се одржал во АД ЕСМ на ниво на највисоко раководство, се разгледувале можностите како јагленот од Косово да се користи во електраните во Северна Македонија, како и можноста за заемна поддршка меѓу двата система.
На состанокот присуствуваа генералниот директор на АД ЕСМ м-р Васко Ковачевски, Управниот одбор на АД ЕСМ, генералниот директор на КЕК Нагип Красниќи и советникот во министерството за економија на Косово, Милот Келменди.
Заклучено е дека работни групи од двете државни компании во најкусо време ќе ги договорат постапките за ефектурирање на договорената соработка, како и дека владите на двете земји, односно министрите за економија, ќе бидат информирани за претстојните чекори, кои се во рамките на договорената меѓудржавна соработка во делот на енергетиката од страна на министрите Крешник Бектеши и Артане Ризваноли во декември 2021г.
