Еден до потенцијалните кандидати за мандатар за состав на нова влада на Словенија, Марјан Шарец, е близу до формирање владин кабинет, откако синоќа партијата Левица реши да ја поддржи неговата евентуална малцинска влада, објавуваат дел од словенечките медиуми.
Лидерот на Левица, Лука Месец, информира дека партијата донела одлука да не учествува во евентуалната влада на Шарец (неговата партија Листа на Марјан Шарец и уште четири други помали партии), но дека е подготвена да ја поддржи врз основа на програмска соработка.
Месец најави дека денеска Левица на петте партии кои се подготвени да влезат во владата на Шарец ќе им достави предлог-документ за програмска соработка, во кои ќе бидат наведени условите на партијата за поддршка на владиниот кабинет.