Во последното деноноќие во Албанија коронавирусот е дијагностициран кај 1.054 лица, што е прва четирицифрена и во истовремено највисоката бројка во третиот бран на коронавирусот, поради што властите се решија да го продолжат времетраењето на мерката полициски час.
„Од направени 7.256 тестови, позитивен резултат е добиен кај 1.054 граѓани, што е 14, 6 отсто од тестираните. Најмногу од случаите или 303 се во Тирана, 157 во Скадар, 60 во Драч. Во исто време закрепнале 469, а починале три лица. Активни на болеста се 10.088, а болнички во Инфективната клиника-Ковид 1 болница се третираат 96 пациенти, од нив осум деца, соопшти министерството за здравство.
Поради потребата од болнички легла, како што најави ресорната министерка Огерта Манастирлиу, која беше во инспекција на просториите, подготвена е за прием на пациенти и болницата која функционираше како „Ковид 3“.
Таа преку објава на социјалните мрежи апелираше до сонародниците да се вакцинираат.
„Зголемувањето на случаи на дневни инфекции, хоспитализации и моментно над 10.000 активни случаи со Covid-19 бара од секој од нас одговорност за заштита на здравјето за себе и за другите. Не занемарувајте ја анти-ковидната вакцина. Вакцината спасува живот“, напиша Манастирлиу.
Инаку, поради константното зголемување на нови случаи, главно со Делта сојот, Комитетот на експерти за справување со пандемијата во понеделникот одлучи од среда 1-ви септември, времетраењето на полицискиот час да се зголеми за еден час и ќе трае до 23 до 6 часот, а од 6-ти септември се воведуваат и ограничувачки мерки за влез во земјата.
