Глобалната продажба на воена опрема и услуги се зголемила во текот на минатата 2019 година, а доминирале произведувачите на оружје од САД, но успешно работеле и кинеските компании, објави шведскиот истражувачки комитет (SIPRI) во понеделникот.
Институтот SIPRI шведскиот парламент го основаше во мај 1966 година, за да ја следи воената потрошувачка и трансферот на оружје во светот.
Од 25-те најголеми произведувачи на оружје во светот, 12 се од САД. На нив отпаша повеќе од 60 отсто од глобалната продажба на оружје во вкупен износ од 361 милијарда американски долар, објави, Стокхолмскиот институт за истражување на меѓународниот мир (SIPRI).
Институтот, исто така, објави и дека глобалната продажба на оружјето во 2019 година се зголемила за 8,5 отсто во однос на претходната 2018 година.
Седиштата на водечките пет компании се во САД, а „ Lockheed Martin“ ја задржа својата позицијата на најголем продаваќ на оружје во светот.
Во групата водечки 25, шест компании се од западна Европа, четири се од Кина и две се од Русија. Првпат притоа на листата на SIPRI се појавува компанија од Блискиот исток, односно EDGE чиешто седиште е во Обединетите Арапски Емирати (ОАЕ).
Првпат во прегледот се вклучени и кинеските компании, коишто претходните години не беа на листата поради недостиг од податоци. Во SIPRI проценуваат дека три киенски компании, меѓу кои е и произведувачот на авионит AVIC, се рангирани меѓу првите десет компании.
ЛИСТА
1.Lockheed Martin (САД) – вкупен приход од продажба на оружје во 2019-та е 53,23 милијарди долари
2. Boeing (САД) – 33,58 милијарди долари
3. Northrop Grumman (САД) – 29,22 милијарди долари
4. Raytheon (САД) – 25,32 милијарди долари
5. General Dynamics (САД) – 24,5 милијарди дилари
6. Aviation Industry Corporation of China, AVIC (Кина) – 22,47 милијарди долари
7. BAE Systems (Велика Британија) – 22,24 милијарди долари
8. China Electronics Technology Group Corporation, CETC (Кина) – 15,09 милијарди долари
9. China North Industries Group Corporation, Norinco (Кина) – 14,54 милијарди долари
10. L3Harris Technologies (САД) – 13,92 милијарди долари.
11. United Technologies (САД) – 13,1 милијарди долари
12. Leonardo (Италија) – 11,11 милијарди долари
13. Airbus (ЕУ) – 11,05 милијарди долари
14. Thales (Франција) – 9,47 милијарди долари
15. Almaz-Antey (Русија) – 9,42 милијарди долари.
16. Huntington Ingalls Industries (САД) – 7,74 милијарди долари
17. Dassault Aviation Group, DAG (Франција) – 5,76 милијарди долари
18. Honeywell International (САД) – 5,33 милијарди долари
19. Leidos (САД) – 5,33 милијарди долари
20. Booz Allen Hamilton (САД) – 5,14 милијарди долари
21. General Electric (САД) – 4,76 милијарди
22. EDGE (ОАЕ) – 4,75 милијарди долари
23. Rolls-Royce (Велика Британија) – 4,71 милијарди долари
24. China South Industries Group Corporation, CSGC (Кина) – 4,61 милијарди долари
25. United Shipbuilding (Русија) – 4,5 милијарди долари
