Во текот на мојот мандат во Владата од 2017/2020 година работев со целосно почитување на сите закони и уставни одредби на државата, и во интерес на македонската економија и на демократските принципи на кои почива нашата земја се истанува во реакцијата на Кочо Анѓушев на претходните информации дека американскиот Стејт дерпартмент го ставил на листата лица на кои им е забранет влезот во САД.
Во продолжение на интегралната изјава на Анѓушев натаму се вели:
„Четири години по моето самоиницијативно повлекување од Владата, нема никаков судски процес за било кој сегмент од моето работење, од причини што за тоа нема никакви основи.
Јас вработувам 1000 луѓе во Македонија, и во периодот на мојот мандат моите фирми бележеа само пад и загуби, што е регистрирано и во државните финансиски служби.
Јас имам фирми во Велика Британија, Германија, Холандија и во САД, и сум американски даночен обврзник, односно јас плаќам данок во Соединетите Американски Држави и сум партнер и соработник со значајни економски субјекти и личности во САД.
Додека служев како вицепремиер во македонската Влада силно се залагав и работев за зачленување на земјата во НАТО, го поддржував зачленување во ЕУ, и ги поддржувам и сега сите активности кои се преземаат во тој правец
Силно ги негирам сите сомневања изразени во документот објавен од почитуваниот Стејт Департментот и сакам да известам дека ќе ја обжалам одлуката и ќе ги искористам сите правни лекови наведени во самиот документ во правец на повлекување на оваа одлука, која ја сметам за непотребна во рамките на заложбите на нашите пријатели, Соединетите Американски Држави, за борба против корупцијата“, се вели во писменара ракција на Анѓушев.
Уште кон средината на октомври, еколошките и високо технолошко напредни возила за одржување на хигиена во урбани средини на БРАКО, една до компаниите кои се поврзуваат со Анѓушев, од линијата Грин Машинс, беа претставени на северно-американскиот континент.
Имено, по претходното учество на саемот во Тексас, американската филијала на Грин Машинс се претстави и на Саемот за електрични возила и опрема кој се одржа во Сиетл, во северната сојузна држава Вашингтон. На настанот, кој го организираше Секторот за транспорт на градот Сиетл, тогаш беа претставени двата најпродавани електрични модели 400 ze и 500 ze, за кои како што беше соопштено постои голем интерес во САД.
