Бугарија е активна членка на НАТО и како таква не може да биде предмет на странски одлуки, изјави за БТА министерот за одбрана Стефан Јанев во првото интервју по преземањето на министерството за одбрана.
Според Јанев, бугарските политичари мора да научат да дејствуваат како субјект во однос на потребата да се заштити националниот интерес и да се усогласи со заедничкиот интерес на ниво на НАТО.
Јанев го коментираше својот став, објавен пред неколку дена на Facebook, во врска со можното распоредување на дополнителни трупи на НАТО во Бугарија и прецизираше дека изразил личен став во својство на министер за одбрана.
„Ова сѐ уште не е национален став и од оваа гледна точка не треба да се шпекулира дека тоа е официјален став на Бугарија во моментов“, изјави новиот бугарски министер за одбрана.
„Мојот апел е националниот став да биде добро аргументиран, во согласност со националниот интерес и секако во согласност со заедничките интереси на колективната безбедност на НАТО“, рече Стефан Јанев.
Истакна дека треба да се развиваат сопствените капацитети, потсетувајќи дека како членка на НАТО државата е посветена на тој план.
