Лекот против Covid-19 на американската фармацевтска компанија „Pfizer“ треба да го намали ризикот од добивање посериозни симптоми кај заразените и да биде превенција за оние кои биле во близок контакт со заразените.
Апчињата „Pfizer“ против коронавирус, во моментов се во фаза на клинички испитувања врзголем број луѓе, и ако сѐ се одвива во ред, овој лек може да биде подготвен за употреба до крајот на годината.
Имено, фармацевтската компанија „Pfizer“ неодамна објави дека ја започна втората фаза од големото клиничко испитување на орална таблета против коронавирус, која би имала за цел да го намали ризикот од инфекција кај луѓе чии членови на семејството се заразени со вирусот. Таквиот лек може да има двојна цел – да го намали ризикот од посериозни симптоми за заразени пациенти или да се користи како превенција кај луѓе кои се во близок контакт со заразените.
„Веруваме дека овој третман може да помогне да се спречи рано размножување на вирусот, потенцијално да се спречи ширењето на инфекцијата кај луѓето кои доаѓаат во контакт со заразени лица или да го забави почетокот на инфекцијата“, вели д -р Мајкл Долстен, главен научен директор на PFP.
Според него, лекот би бил комплементарен со вакцините против коронавирус. Лекот, моментално наречен PF-07321332, е дизајниран како апче што би се земало со чаша вода дома, така што потенцијално би можела да се препише при првиот знак на инфекција или при првата свест за изложеност, без потреба да хоспитализираат пациенти.
Лекот PF-07321332 припаѓа на тип наречен протеаза инхибитор, и како што е објаснето во изјавата, тој е дизајниран да ја блокира активноста на клучниот ензим потребен за множење на коронавирус, заедно со ниска доза ритонавир, постар лек широко користен во комбинирани терапии за ХИВ инфекција.
