Регулаторната комисија за енергетика, водни услуги и услуги за управување со комунален отпад (РКЕ) донесе Одлука со која се врши намалување на малопродажните цени на нафтените деривати во просек за 0,04% во однос на одлуката од 26.2.2024 година.
Од утре, 5.3.2024 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС – 95 83,00 (денари/литар), ЕУРОСУПЕР БС – 98 85,00 (денари/литар), дизел гориво ЕУРОДИЗЕЛ БС (Д-Е V) 77,00 (денари/литар), масло за горење Екстра лесно 1 (ЕЛ-1) 75,50 (денари/литар), мазут М-1 НС 43,752 (денари/килограм).
Односно, малопродажната цена на ЕУРОДИЗЕЛ (Д-Е V) се намалува за 1,00 ден/лит., малопродажната цена на Екстра лесното масло за домаќинство (ЕЛ-1) се намалува за 0,50 ден/лит., а ЕУРОСУПЕР БС-95 и ЕУРОСУПЕР БС-98 поскапуваат за 0,50 ден/лит.
Исто така, малопродажната цена на Мазутот М-1 НС се зголемува за 0,409 ден/кг и сега изнесува 43,752 ден/кг.
-Ова се максималните цени на нафтените деривати од 00:01 часот на 5.3.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоко утврдените цени, велат од РКЕ.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,855%, кај дизелот намалување за 2,265%, кај екстра лесното масло има намалување за 0,610% и кај мазутот зголемувањето е за 1,611%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,328%
