Во четвртокот од раните попладневни часоци до доцна во ноќта низ земјата се создаде паника дека ќе снема горива и дека ќе растат цените, како реакции на шпекулаци на социјалните мрежи и во некои медиуми според сличниот случај и во соседна Србија,па се создадоа редици пред бензинските пумпи, иако надлежните уверуваат дека не претстои криза во снабдувањето со бензините.
„Точно, во текот на вчерашниот ден се создаваа колони на бензинските пумпи низ државата, а тоа е врз основа на шпекулации дека цената на дизелот ќе порасне до 150 денари следната недела. Нафтени деривати има, редовно е снабдувањето и резерви има. Снабдувањето е без никакви проблеми и немало прекин на испорака на бензин. Она што загрижува е што на некои пумпи вчера се продавале бензин за само 500 денари со намера да заштедат резерви и да го продадат поскапо“ изјави во петокот Марко Бислимоски, претседател на Регулаторната комисија за енергетика за Утрински брифинг.
Бислимоски вели дека малите пумпи немаат право да вршат ограничување на набавката на бензин. Тоа се воени профитери кои за да заработат нешто ситно на нечиј грб, но ние денес ќе доставиме извстување до Обвинителството за таквите појави, додава Бислимоски.
„Информациите што ги имам јас се дека имаме доволни количи нафтени резерви како држава. Нафтата што доаѓа во Македонија во најголем дел доаѓа од Грција. Но, фејсбук стратезите вчера кренаа паника“, вели Бислимоски.
На прашањето до каде ќе одат цените на енергенсите, Бислимоски вели дека цените и на електричната енергија и на природниот гас дивеат и цела Европа е во паника, па не очекува во следните недели да има некое намалување.
Но, според Бислимоски, ќе има стабилизирање со постигнување договор со Организацијата на земјите извознички на нафта (OPEC). Тој препорачува да штедиме да се надмине овој тежок период.
