Најдобриот американски скијач Боде Милер нема да настапи на слаломската трка на Зимските олимписки игри во Сочи.Американецот оваа информација ја потврди на својот блог, а причината е повредата на коленото.
Милер има болки во коленото кое го оперираше минатата година и не сака да ризикува обновување на повредата со евентуален настап во слаломот, каде реално нема големи шанси за да стигне до медал.
Четирикратниот светски шампион освои бронзен медал во супервелеслалом, а со оглед на неговите 36 години, ова ќе бидат и негови последни Зимски олимписки игри на кои настапува како активен натпреварувач во алпскло скијање.
