Министерот за надворешни работи на Европската унија Жозеп Борел денеска изјави дека Советот на ЕУ побарал од белорускиот претседател Александар Лукашенко да биде на проширената листа на санкции на Унијата против Белорусија.
Тој рече дека Советот на ЕУ, на состанокот во Луксембург, повтори дека Лукашенко нема демократски легитимитет, ниту дека покажал желба да се вклучи во разговори или контакти што можат да донесат демократско и мирно решение на Белорусија, пренесе Танјуг.
„Додавањето нови имиња на списокот со санкции е одговор на развојот на ситуацијата во Белорусија. Повторно, видовме непропорционален одговор [на сила] против демонстрантите и нема индикации за каква било желба на белоруското раководство да се вклучи во разговори“, рече Борел.
Министерот за надворешни работи на ЕУ додаде дека се отстранети сите пречки во рамките на ЕУ за примена на санкции против Белорусија.
На 2 октомври ЕУ воведе санкции против 40 лица од Белорусија за измама на претседателските избори и насилство врз демонстрантите, но Лукашенко не беше на списокот.
Лукашенко тогаш беше изоставен во надеж дека може да се вклучи во дијалог со опозицијата за решавање на политичката криза, според Хина. Сè уште нема ништо од тоа, напротив, од Белорусија доаѓаат вести за ново насилство врз демонстрантите, наведуваат агенциите.
Министрите на Советот на ЕУ во своите заклучоци го повторуваат ставот на ЕУ дека претседателските избори во Белорусија одржани во август не биле ниту слободни ниту фер и дека Лукашенко нема демократски легитимитет.
Санкциите на советот се состојат од забрана за патување и замрзнување на имотот, против одговорните за измама на претседателските избори и насилното задушување на мирните протести.
