Новиот селектор на фудбалската репрезентација на Македонија, Бошко Ѓуровски, своето официјално деби ќе го има на 5 март, кога националната арена “Филип Втори” ќе гостува селекцијата на Летонија.
„Натпреварот против Летонија ќе биде посебен, дебитирам на селекторската функција и чувството веќе е позитивно. Се надевам дека луѓето ќе дојдат на националната арена и ќе ни ја дадат поддршката. До мартовската пресметка со Летонија има доволно време, деталите околу изборот на фудбалери ќе ги соопштиме во наредниот период. Мислам дека ќе биде добар натпревар, Летонија е квалитетна селекција, нивното место на ранг листата на ФИФА, сметам дека не соодветствува со нивниот вистинскиот потенцијал. Ова ќе биде добра проверка, одлична можност да се соочам со квалитетот и потенцијалот на фудбалерите кои ќе добијат шанса во селекцијата“, изјави селекторот Бошко Ѓуровски за официјалната интернет страница на ФФМ.
