Бразилскиот претседател Луис Инасио Лула да Силва изјави дека e биде подготвен да посредува во разговорите меѓу рускиот претседател Владимир Путин и неговиот украински колега Вoлoдимир Зеленски, доколку е потребно.
„Ако можам да помогнам, ќе помогнам. Но, ако се појави потреба за разговори со Путин и Зеленски, ќе бидам подготвен да разговарам за напорите за мировно решение, нема проблем. Она што навистина ни треба е да собереме група луѓе доволно моќни да бидеме почитувани на преговарачката маса. И ние треба да се ангажираме со двајцата“, рече да Силва на заедничката прес-конференција со германскиот канцелар Олаф Шолц во понеделникот.
Политичарот, исто така, предложи воспоставување широк меѓународен формат на разговори што би можел да биде сличен на Г-20 за да се разговара за мирот во Украина. Бразилскиот лидер рече дека веќе разговарал за ова со Шолц и францускиот претседател Емануел Макрон и дека има намера да го покрене ова прашање на преговорите со американскиот претседател Џо Бајден во февруари и со кинескиот лидер Кси Џинпинг во март.
