Кина претставува предизвик за светскиот поредок што Западот сака да го види, рече британскиот премиер Риши Сунак во предговорот за „Integrated Review Refresh 2023“ што беше објавен во понеделникот.
„Кина претставува епохален предизвик за типот на меѓународен поредок што сакаме да го видиме, и во однос на безбедноста и вредностите – и затоа нашиот пристап мора да еволуира“, рече британскиот премиер.
„Ќе работиме со нашите партнери за да се вклучиме со Пекинг за прашања како што се климатските промени. Но, онаму каде што има обиди на кинеската комунистичка партија да присили или да создаде зависност, ние тесно ќе соработуваме со другите за да им возвратиме. И ќе преземеме нова акција за да се заштитиме себеси, нашата демократија и нашата економија дома“.
Според документите од 63 страници, Обединетото Кралство „дополнително ќе ја зајакне нашата национална безбедносна заштита во оние области каде што акциите на ККП (Кинеската комунистичка партија) претставуваат закана за нашиот народ, просперитетот и безбедноста. Понатаму, „Обединетото Кралство ќе ја продлабочи нашата соработка и ќе го зголеми усогласувањето со нашите основни сојузници и пошироката група партнери“ и „ќе се ангажира директно со Кина, билатерално и на меѓународните форуми за зачувување и создавање простор за отворени, конструктивни, предвидливи и стабилни односи. кои ја одразуваат важноста на Кина во светските работи“, се вели во документот.
