„Сакам да му се заблагодарам на господинот Хоти за тоа што појасни уште еднаш дека нема потреба да се разговата за териториите. Мислам дека се согласуваме со тоа ние и околу 70 отсто од светската популација, а и повеќето земји членки на ОН“, кажа Брнабиќ за Танјуг, додавајќи дека за тоа зборува и Резолуцијата 1244 на Обединетите нации.
Изрази благодарност за тоа што со тоа признал и прифатил дека разговори за териториите нема, дека таканаречената Република Косово е непостоечка и дека територијата на Република Србија е иста каква што била.
„Мислам дека за целиот регион, ни и светот би значело дестабилизација доколку би се разговарало за промена на границите“, истакна Брнабиќ.
Таа потсети дека 70 отсто од светското население, односно 96 членки на ОН, како и Резолуцијата 1244, не ја признаваат „таканаречената Република Косово“.
„Гледам дека тоа го прифаќа и господинот Хоти. Нема разговори за територии и граници. Му благодарам на тоа“, подвлече Брнабиќ.
Хоти вчера ја претстави платформата за дијалогот со Белград, истакнувајќи дека дијалог ќе се води и дека во него „територијалниот интегритет“ нема да биде тема.
