Рекордно висечкиот пешачки мост треба да биде отворен во североисточниот дел на Чешка, блиску до полската граница. Тој ќе се пушти во употреба следниот месец и треба да им овозможи на планинарите кратенка низ облаците и прекрасен поглед помеѓу врвовите на планината Кралички Снежник, пренесува Алџазира.
Според чешките туристички претставници, мостот- Skybridge 721, е биде најдолгиот висечки пешачки мост во светот, кој ќе се протега на 721 метар помеѓу два планински срта. Мостот се наоѓа во близина на одморалиштето Долни Морава и ќе ја премостува долината Mlynicka udoli на височина од 95 метри.
Овој мост е изграден во близина на видиковецот Skywalk, платформа висока 55 метри од која може да се спушти со тобоган од 100 метри.
Зимското спортско и планинарско одморалиште Долни Морава се наоѓа на околу 200 километри источно од Прага, блиску до полската граница.
