По првичните анализи на работата на претходникот откриено е дека 40-ина луѓе биле вработени во општината и добивале плата, иако не доаѓале на работа, рече во вторникот вечерта новиот градоначланик на скопската Општина Бутел, Дарко Костовски од ВМРО-ДПМНЕ кој во вторникот вечерта гостуваше во дебатната емисјата „Топ тема“ на телевизија Телма.
Костовски, кој уште во првиот изборен круг на 17-ти октовмри убедливо го победи претходникот на градоначалничката позиција Велимир Смилевски од СДСМ, истакна дека имало и обид за прикривање на овие вработувања. Во овие, како што ги нарече фиктивни вработувања, имало и луѓе ангажирани за одржување на хигиена по договор на дело, од кои некои не доаѓале на работа, но имало и 20-ина вработени во администрација на општината, а договорот им истекувал во ноември.
Костовски најави дека се прави и анализа на проектите во општината за да се провери дали се изведени правилно или со злоупотреби.
