Четврти ден молк од владата за втората аудио снимка поврзана со генералниот секретар Рашковски и наводното местење тендер во полза на италијанската фирма Леонардо. Премиерот Заев во неделата изјави дека ќе ја разгледа снимката, но до сега нема официјална информација дали тоа се случило или можеби ќе се зсаземе став на денешната редовна владина седница. По втората снимка владата не излезе со официјален став за тоа дали ќе побара одговорност од Рашковски.
Опозицијата побара оставка од него и го повика обвинителството да покрене истрага по допрен глас. Сепак засега од тоа нема ништо.
Антикорупциската комисија ги побара од Владата и М-НАВ сите документи поврзани со тендерот.