Википедија е една од многуте алатки што ги користи американскиот либерален естаблишмент и неговите сојузници во разузнавачката заедница за да водат „информативна војна“, изјави коосновачот на онлајн енциклопедијата Википедија, Лери Сангер, во разговор со Глен Гринвалд.
Говорејќи на подкастот „Системско ажурирање“ на Гринвалд, Сангер жали како страницата станала инструмент за „контрола“ во рацете на левичарскиот естаблишмент, меѓу кои тој ги вбројува ЦИА, ФБИ и други американски разузнавачи агенции.
„Имаме докази дека уште во 2008 година, компјутерите на ЦИА и ФБИ биле користени за уредување на Википедија“, рече тој. „Дали мислите дека тогаш престанаа да го прават тоа?
Активноста на ЦИА и ФБИ на Википедија првпат беше објавена од страна на студент по програмирање Вирџил Грифит во 2007 година. Грифит разви програма наречена ВикиСканер која може да ја следи локацијата на компјутерите што се користат за уредување на написите на Википедија и откри дека ЦИА, ФБИ и мноштво големи корпорации и владини агенции бришеле инкриминирачки информации на онлајн енциклопедијата.
Компјутерите на ЦИА беа користени за отстранување на бројот на жртви од војната во Ирак, додека компјутеритр на ФБИ биле користена за отстранување на воздушни и сателитски снимки од американскиот затвор во заливот Гвантанамо на Куба. Компјутерите на ЦИА беа користени за уредување на стотици написи, вклучително и записи за тогашниот ирански претседател Махмуд Ахмадинеџад, кинеската нуклеарна програма и аргентинската морнарица.
Некои уредувања беа поситни, при што поранешниот шеф на ЦИА, Вилијам Колби, очигледно го уреди својот запис за да ја прошири својата листа на достигнувања.
„Агенциите за разузнавање им плаќаат на највлијателните луѓе за да ги истуркаат нивните агенди, со кои тие веќе главно се усогласени, или тие само развиваат свој талент во разузнавачката заедница, ја учат играта на Википедија и потоа го туркаат она што сакаат да кажат со својот народ“, изјави Сангер за Гринвалд.
„Голем дел од разузнавачката и информациската војна се води онлајн“, продолжи тој, „на веб-локации како Википедија“.
Претходно оваа година, сопственикот на X (поранешен Твитер) Илон Маск објави низа документи кои покажуваат како поранешните директори на платформата договарале со ФБИ за да ја отстранат содржината што агенцијата сакала да ја сокрие, помагала во кампањите за влијание на американската војска на интернет и ги цензурирала „антиукраинските наративи “ во име на повеќе американски разузнавачки агенции.
Извршниот директор на Мета, Марк Закерберг, исто така, призна дека Фејсбук, најголемата платформа за социјални медиуми на Земјата, ги цензурирала точните информации што биле штетни за изборната кампања на претседателот Џо Бајден во 2020 година на директно барање на ФБИ.
