Лидерите на трите коалиции во Црна Гора, кои заедно го сочинуваат мнозинството од идниот црногорски парламент, се согласија за принципите врз кои ќе се потпира новата влада, што е важен чекор за решавање на првиот постизборен предизвик.
„Можам да потврдам дека имаше состанок на лидерите на трите опозициски листи со кои се постигна мнозинство на парламентарните избори и оти се постигнати четирите основни принципи, но деталите ќе бидат разгледани“, изјави за РТС, Невенка Чировиќ, од коалицијата „Мирот е наша нација“.
Синоќа голем број граѓани се собраа во Подгоричката катедрала на Христовиот спас и околу неа, за да го прослават изборниот резултат на опозицијата. Собири имаше и во други градови и имаше спорадични судири со приврзаниците на ДПС.
Договорите продолжуваат, а крајниот рок за формирање новата црногорска влада е 90 дена.
