Данска и Холандија заеднички ќе донираат вкупно 14 тенкови „Леопард 2“ на Украина, соопштија денеска двете земји.
Борбените возила „Леопард 2А4“, кои ќе бидат купени од трета страна и реновирани, се очекува да бидат испорачани во првиот квартал на 2024 година, се вели во заедничкото соопштение.
„Заради надеж за мирна и безбедна Европа, апсолутно е неопходно да не дозволиме Украинците да се борат сами“, рече вршителот на должноста министер за одбрана на Данска, Троелс Лунд Поулсен.
Во февруари, Данска, Германија и Холандија, исто така, објавија дека ќе ги здружат своите ресурси за да повратат најмалку 100 стари тенкови „Леопард 1“ од индустриските резерви и да ги испорачаат во Украина оваа и следната година.
