Делегацијата на ВМРО-ДПМНЕ денеска продолжи со агендата и средбите во Бундестагот.
Како што информира потпретседателот на партијата, Владо Мисајловски оствариле исклучително значаен состанок со Јохан Вадефул, потпретседател на пратеничката група на ЦДУ во Бундестагот.
-Одлична можност да ги размениме своите ставови и позиции за актуелните состојби во Македонија и Европа но и да се заблагодариме за поддршката и пријателството помеѓу ВМРО-ДПМНЕ и ЦДУ, објави на Фејсбук Мисајловски.
Вчера делегацијата на ВМРО-ДПМНЕ оствари средба со Проф.Ламерт, претседател на фондацијата “Конрад Аденауер”, каде имало дискусии за Македонија, ЕУ, билатерална соработка со Германија и подготовката на изборната програма на ВМРО-ДПМНЕ.
