Амбасадорите на земјите-членки на Европската унија денес во Брисел треба да гласаат за конечниот германски предлог за преговарачка рамка за Македонија и Албанија, јави дописникот од Брисел Ернест Бунгури.
Според него, предлогот што Германија го става на маса, по исцрпувачките преговори со Бугарија, ќе биде во формата „земи или остави“. Доколку Бугарија остане цврста во намерата да не дозволи отворање на преговори со Македонија, тогаш прашањето ќе биде одложено за средината на декември. Освен Македонија, и Албанија се соочува со сериозни пречки во отворањето на преговорите – во нејзиниот случај главниот отпор доаѓа од Холандија, а причината е недоволниот напредок во владеењето на правото и борбата против криминалот.
Бунгури објави порака од 3 ноември, во која на земјите членки им се дистрибуира нацрт преговарачката рамка за Македонија и Албанија, испратена од земјата претседавач со Европскиот Совет – Германија. Преговарачката рамка беше главната точка на конфликт меѓу земјите членки, особено Бугарија, која одбива да ја прифати ако Македонија не направи сериозни отстапки по своите клучни национални интереси. Во пораката од Германија се вели дека преговарачката рамка се нуди на одобрување без притоа да се прејудицира датум за првата меѓувладина конференција – односно конкретниот почеток на преговори. Со тоа, можно е рамката да биде прифатена, а Македонија сепак да остане без конкретен датум за почнување на преговорите.
Ambassadors of #EU decide today in #Brussels on the #German presidency #takeitorleaveit proposal on the “final” neg. framework for 🇦🇱 & North 🇲🇰, while #GAC is postponed to 17th of December because of #Covid_19. Everything depends in 🇧🇬s backing off it’s demand on North 🇲🇰
— Ernest Bunguri (@bunguri) November 6, 2020
