ВМРО-ДПМНЕ ќе формира десет ратенички групи во Собранието, девет ќе имаат по пет пратеници, а една ќе има шест пратеници, информираше пратеникот Илија Димовски на брифинг со новинарите.
Димовски кажа дека веќе е испратен допис до претседателот на парламентот и дека ова се прави за да се искористат деловничките можности за поголемо учество во дискусиите. Според собранискиот Деловник, на координаторите на пратеничките групи им е дозволено да дискутираат по 15 минути и да се јавуваат за процедурални забелешки по три минути.
На првата група од шест члена, координатор е Илија Димовски. На втората пратеничка група, координатор е Антонијо Милошоски, на третата Зоран Илиоски, на четвртата Владанка Авировиќ, на петтата пратеничка група координатор е Даниела Рангелова, на 6-та Панчо Минов, на 7-та Димитар Стевананџија, на 8-та Драган Данев, на 9-тата Благица Ласовска и на 10-та пратеничка група Драган Цуклев.
Инаку оваа не е првпат во македонскиот парламент една политичка групација или коалиција да формира повеќе пратенички групи. Ваква стратегија за настапи во Собрануето во 2006 година имапе коалицијата што ја предводеше СДСМ.
