Две лица загинаа кај Битола, вдишале отровен гас

Двајца луѓе, според неофицијални информации брачна двојка, загинале доцна попладнево во близина на Битола, кога вдишале отровен гас во моментот кога сакале да наполнат минерална вода на извор, пренесе Слободен печат.

Претходно, Центарот за управување со кризи испрати конфузно соопштение во кое пишуваше дека интервернирала противпожарната единица со противпожарно возило и петмина пожарникари, кај ресторанот „Кисела Вода“, кој се наоѓа на неколку километри од градот.

„До овој момент има пријавено дека има две човечки жртви“, наведоа од РЦУК.

Инцидентот на изворот на минерална вода во близина на градот го потврди МВР.

„Во 16.24ч. од Итна медицинска помош-Битола во СВР Битола било пријавено дека кај изворите на кисела вода на место викано „Сребрена вода“ во близина на с.Крстоар-Битола, имало две починати машки лица“, велат од полицијата.

Оттаму додаваат дека за настанот е известен јавен обвинител.

„Од страна на екипа од ИМП била констатирана смрт. Утврден е идентитетот на починатите: А. Н. (68) и К. Н. (63) од Битола. По наредба на јавен обвинител, телата на починатите се предадени за обдукција“, порачаа од МВР.

Доколку преземете содржина од оваа страница, во целост сте се согласиле со нејзините Услови за користење.