Британскиот весник „Тајмс” објави текст со наслов “Џихадистите на исламската држава се вратија во Косово и се подготвени да умрат за калифатот”, наведувајќи дека, според она што е познато на властите во Приштина, од 2012 година, 348 возрасни лица заминалево Сирија да се приклучат на Исламската држава.
Многумина загинаа таму, но многумина се вратија и дека во отсуство на кохерентна програма за дерадикализација, исламистичките затвореници излегуваат од затворите и остануваат лојални на Исламската држава, пишува „Тајмс“.
Меѓу оние кои сега се на слобода е Фитим Љупровци, кој како 24-годишник го следел убиството на Сириец врзан за столб со рачен ракетен фрлач, а за чие убиство е одговорен озлогласениот косовски Албанец, Лавдрим Мухаџери, кој беше ликвидиран во напад со дрон.
Калифатот не е завршен. Неговата приказна штотуку започна.Сакам да создадам исламска држава во Косово и јас ќе бидам среќен што ќе умрам за да го поддржам тоа, рече Љадровци минатата недела, четири месеци откако беше ослободен од затвор.
“Тајмс” вели дека косовските Албанци учествувале во неколку неодамнешни терористички завери и дека шест косовски Албанци, мажи и жени, беа уапсени во јуни минатата година во Косово и Германија за нивната вмешаност во два планирани напади врз единиците на НАТО во Косово и цивили во Белгија и во Франција. Весникот потсетува и дека претходно осум луѓе беа уапсени во Косово заради планот за напад врз израелски фудбалери кои гостуваа во Албанија.
