Судот во БиХ го прогласи Един Џеко за виновен за воени злочини против воени заробеници и за воени злочини против цивили сторени во селото Трушина во1993 – та година и го осуди на казна затвор од 12 години.
Џеко е осуден за стрелањето на осум хрватски војници, кои биле заробени од армијата на БиХ.
Имено, во селото Трушина во 1993 – та година при судири се заробени хрватски војници. Осум припадници на ХВО се построени и застрелани, а 16 цивили се убиени на разни локации. Преостанатите цивили, воглавно жени и деца биле заробени во приватни куќи, а потоа биле пуштени да си одат. Во овие настани убиени се вкупно 22 Хрвати.
