Според Министерството за внатрешни работи, убиството на пораншениот фудбалер Мартин Јанушев минатиот петок во Скопје, немало друга заднина, освен „меѓусебно недоразбирање“
Има напредок во истрагата, а по убиецот се трага. Министерот за внатрешни рабти Оливер Спасовски во средата на брифинг со новинарите истакна дека можноста дека станува збор за нарачано убиство се утврдува.
На полицијата ѝ е познат идентитетот на напаѓачот. Според шпекулациите во медиумите, убиецот се крие во Србија, но министерот Спасовски рече дека сомнежот е дека сепак е во државата.
Досега се сослушани 35 сведоци, земени се снимки од околните камери и изјави од сведоци, рече во средата министерот за внатрешни работи Оливер Спасовски, по речиси цела седмица молк на полицијата за бруталната ликвидација на 28-годишното момче која силноја разбранува јавноста.
„Се работи за едно лице кое го извршило убиството. Разговарано е и направени се анализи со „Омерта агенцијата“, за да видиме дали е можно да има поврзување со настанот. Имаме релевантни информации и кога ќе се обезбедат сите докази, случајот ќе се се расчисти’“, рече Спасовски на брофингот соновинарите во министерството
