Европската комисија (ЕК) во средата попладнето даде условно одобрување за ставање во употреба на вакцината против болеста Covid-19 на американската компанија „Moderna“ неколку часа по позитивната препорака од Европската агенција за лекови (ЕМА), со што се настојува да се забрза вакцинирањето на населението ставувајќи и од ширењето на новиот позаразен сој на коронавирусот.
„На Европејците им обезбедивме дополнителни вакцини против болеста Covid-19. Со вакцината на „Moderna, втората вакцина којашто сега е одобрена во Европската унија, добиваме дополнителни 160 милиони дози и таа бројка ќе се зголемува“, изјави претседателската на ЕК, Урсула фон дер Лејен.
Земјите членки на ЕУ заполчнаа на 27-ми декември да го вакцинираат своето население со препаратот на американско-германскиот тандем „Pfizer/BioNtech“ и се обидуваат да го забразаат овој процес во кој доцнат во споредба со САД и особено со Израел.
Врз основа на позитивното мислење кои претходно во средата го донесе ЕМА, откако од состанокот во понеделникот немаше никакви заклучоци за барањето на „Moderna“, од ЕК наведуваат дека ги проверила сите елементи кои го поддржуваат одобрувањето за ставање во оптек и пред издавањето на условното одобрување за ставање во оптек се советувале со земјите членки.
„ЕУ обезбеди до две милијарди дози на потенцијалните вакцини против болеста Covid-19. Ќе имаме повеќе од доволно сигурни и ефикасни вакцини за заштита на сите Европејци“, изјави фон дер Лејен изразувајќи оптимизам.
Заедно со вакцината на „Pfizer/BioNtech“, со кои ЕК потпиша договор за 300 милиони дози и кои од порано се одобрени, ЕУ сега има 460 милиони дози од вакцините кои добиле дозвола за употреба.
Комитетот при ЕМА за лекови за хумана употреба (CHMP) претходно во средата препорача издавање службено условно одобрување за ставање на вакцината на „Moderna“ во оптек.
Услоновното одобрување за ставање во промет е еден од регулаторните механизми на ЕУ за олеснување на рана достапност до лековите кои исполнуваат незадоволени медицински потреби, меѓу другите во вонредни ситуации како што е моменталната пандемија на коронавирусот.
Релативно непознатата досега и за САД компанијата „Moderna“, со седиште во Кембриџ во американската сојузна држава Масачусетс, објави пред неколку седмици дека во првите три месеца од 2021 година ќе произведе 100 до 125 милиони дози од вакцината која е означена како „mRNA-1273“, според новата технологија.
Од ова количество, 15 до 25 милиони дози би требало да бидат достапни надвор од САД. Првите испораки за земјите во ЕУ би можело да започнат веќе во јануари, тврдат од компанијата. ЕУ веќе нарача 300 милиони дози од вакцината на „Pfizer/BioNtech“.
Се очекува дека вакцината на „Moderna“ ќе биде ефикасна и поротив новиот сој на коронавирусот кој започна да се шири од Велика Британија, но од претпазливост се смета дека тоа трреба да се потврди со дополнителни истражувања.
Иако производителите тврдат дека и двете вакцини се многу ефикасни, наводно над 94 отсто во клиничките испитувања, препаратот на „Moderna“ има предност во оној на „Pfizer/BioNTech“ во однос на складирањето и транспортот. За вакцината на „Pfizer-BioNTech“, имено, потребно е да се чива на минис 70 Целзиусови степени, а онаа на „Moderna“ треба да се чува подолг период на минус 20 Целзиусови степени, а може да преживее неколку дена на нормална температура во ладилник. За да биде ефикасна, вакцината на „Moderna“, како и другите вакцини, треба да се даде во интервал од четири седмици, а на „Pfizer/BioNTech“ во интервал од три седмици
