Италијанските медиуми се убедени дека калчо гигантот Интер не е единствениот клуб кој се натпреварува во италијанската Серија А и кој сака за време на летниот преоден рок да ги осигура услугите на заменик-капитенот на актуелниот шампион на Англија, Манчестер Јунајтед, Патрис Евра.
Најтиражниот спортски весник во Италија, “Газета дело Спорт”, пред неколку часа ја пласираше информацијата дека репрезентативецот на Франција е желба и на актуелниот шампион, тимот на Јувентус.
Неофицијално, агентот на Евра веќе бил контактиран од челниците на “старата дама” со цел да го информираат дека доколку неговиот клиент ја прифати понудата и потпише 3-годишен договор со Јувентус, истиот тој договор му гарантира годишна заработувачка од три милиони евра.
