Во рацето на правдата конечно паднаа двајцата беровци кои со крадење во последниве три години „заработиле“ околу 2,5 милиони денари.
Од Министерството за внатрешни работи информираат дека се приведени 33-годишниот Б.М. и четири години помладиот Е.А., двајцата од Берово кои се товарат за сторени 12 кражби во последниве три години.
Искусните крадци „оперирале“ на подрачјето на Берово и со употреба на сила и подесен алат извршиле тешки кражби во фирми, куќи, викенд куќи, продавници, трафостаници, возила од каде одзеле електромотори, бакарни алати, акумулатори, техничка стока, радиатори, сообраќајни знаци, моторна пила, прехранбени производи и пари, стекнувајќи се со противправна имотна корист од 2.403.150 денари.
