Во саботата 10.08.2024 година од страна на полициски службеници од Одделот за криминалистичка полиција – СОНК во содејство со Одделот за сузбивање на организиран криминал и корупција од слобода е лишен 39-годишниот Д.М. од Скопје поради основано сомнение дека извршил кривично дело по член 258 од Кривичниот законик – “изнуда”.
Имено, тој во средата (08.08.2024 година), од страна на оштетениот, 39-годишно лице во Министерство за внатрешни работи било пријавено дека подолг временски период со закани се обидувал од него да изнуди непостоечки долг во висина од 16.500 евра во име на трето лице. Според пријавата оштетениот во неделата ( 11.08.2024) година во кафе-бар во Скопје требало да му ја даде првата рата, односно 7.000 евра.
По добиени насоки од Основното јавно обвинителство Скопје, извршена е крим-техничка обработка на паричните средства при што вчера (10.08.2024), при предавање на наводниот долг од страна на полициски службеници од Единицата за Интервентна полиција лицето е лишено од слобода и кај него се пронајдени обележаните 7.000 евра. По добиена наредба од Основен суд Скопје извршени се претреси во домот и други простории на осомничениот.
Против Д.М. е поднесена кривична пријава поради основано сомнение за сторено кривично дело “измама”. Од страна на Судија за претходна подтапка на лицето му се одредени мерки за претпазливост.
