Македонската ракометна репрезентација попладнево го напушти Загреб и тргна кон Вараждин каде ќе ги игра натпреварите од втората фаза на Европското првенство во Хрватска.
Македонија е прва во новоформираната група со три пренесени бода од првата фаза.
На „црвено-жолтите“ им претстојат дуели со Шпанија, Данска и со Чешка во обид да остварат поволни резултати кои ги им овозможат освојување на едно од првите две места и пласман во полуфиналето.
Натпреварите за медал ќе се играат во Загреб, па Македонците се надеваат дека за време на ЕП повторно ќе се вратат во хрватската престолнина.
