Испораките на гас од Германија во Полска преку цевководот Јамал-Европа чувствително паднале во вторникот, а намалени се и испораките на рускиот гас кои одат преку Украина, покажуваат податоците од операторот на гасоводот.
Во Полска во вторникот утрото, според податоците на мерната точка Малнов на германско-полската граница пристигнувале 849.559 киловатичасов гас на час. Во понеделникот обемот на протокот изнесувал околу 1,73 милиони киловатчасови гас на час.
Во Словачка, пак, преку граничната точка Велике Капусни од насока на Украина би требало да стасаат 27,1 милиони кубици руски гас, за 8 отсто помалку отколку во понеделникот, покажуваат податоците на украинскиот систем за транзит на гасот.
Рускиот гасен гигант „Газпром“ објави дека во вторникот во Европа преку Украина ќе испорача 32,6 милиони кубици гас, речиси 8 отсто помалку отколку претходните денови. Во изминатите 10 дена компанијата во Европа преку Украина, единствениот правец со кој рускиот гас во моментов се пренесува на континентот, испорачувала меѓу 35,4 и 35,5 милиони кубни метри гас. Кон крајот на минатата и во првите три дена од годинава извезувала повеќе од 40 кубни метри гас дневно.
Од „Газпром“ веднаш не одговориле на барањата да го коментираат намалувањето на испораките. Агенцијата Reuters, повикувајќи се на „упатен извор“, наведува дека се нагаѓа оти намалените испораки ја одразуваат намалената побарувачка на гасот поради невообичаено благата зима во Европа, наспроти големиот суд во Русија.
Украина, којашто изминатите две децении водеше со Русија неколку ткн „гасни војни“ под обвинувања дека ги поткрадува испораките на гасот за потрошувачите во Европа, кон крајот на мај минатата година го блокираше транзитот на рускиот гас преку една од двете контролни точки во Сограновка, па „Газпром“ во Европа го испорачува преку другата преостаната транзитна точка во Суџа.
